Kohët e fundit kudo nëpër media janë duke qarkulluar akuzza për laboratorin në Ëuhan të Kinës në lidhje me përhapjen e koronavirusit.
Drejtori i laboratorit kinez ka hedhur poshtë kategorikisht çdo përgjegjësi për shpërndarjen e virusit.
“Është e pamundur që virusi të vijë nga ne”,-tha në një intervistë për televizionin shtetëror CGTN, Yuan Zhiming, drejtor i Institutit të Virologjisë të Wuhanit, qyteti epiqendër i pandemisë.
Ai theksoi se sipas pjesës më të madhe të shkencëtarëve, koronavirusi i ri me shumë gjasa është transmetuar tek njeriu nga një kafshë.
Dyshimet kryesore bien mbi një treg në qytetin e Wuhanit, i cili mendohet të jetë dhe vatra e koronavirusit sepse aty shiteshin kafshë të egra të gjalla.
Megjithatë prania e këtij tregu disa kilometra larg Instituti të Virologjisë ka nxitur për muaj të tërë hipotezat e një rrjedhjeje të virusit nga këto struktura të ndjeshme.
“Ne e dimë qartë se cilat lloje të kërkimeve janë realizuar në institut dhe si menaxhohen viruset dhe mostrat”,-theksoi drejtori i këtij instituti, i cili ka një laborator P4, një strukturë e sigurisë së lartë që strehon llojet më të rrezikshme të viruseve të njohura, si Ebola, raporton Washington Post./Fjala.al/
