Një tjetër lëkundje është regjistruar në orën 18:07, në zonën Bizhutë të qarkut të Elbasanit. Sipas faqes shkencore EMSC, thuhet se ky tërmet ishte i magnitutës 2.6.
Shqipëria është një zonë me sizmicitet të lartë, në historinë e saj janë regjistruar tërmete të fortë që kanë marrë qindra jetë njerëzish dhe kanë shkatërruar mijëra banesa. Tërmeti me më shumë viktima thuhet se është ai i 17 tetorit 1851 në Berat. Sipas të dhënave pasojat ishin të mëdha, mbi 400 të vdekur dhe shkatërrime të shumta në ndërtesa.
Më 15 prill 1976, një tërmet 8 ballë godet Shkodrën, duke shkaktuar viktima dhe dëmtime të mëdha. Fatkeqësisht 40 persona humbën jetën dhe i’u dëmtuan 17118 shtëpi e objekte social-kulturore.
Tërmeti i 26 nëntorit ishte një surprizë e madhe për Shqipërinë, pasi u gjykua se energjia sizmike ishte çliruar ne tërmetin e 21 shtatorit, por nëntoka e kësaj zone rezultoi të përmbante energji shumë më të mëdha.
Intensiteti i këtyre pas-lëkundjeve vazhdon të jetë në ulje, ndërsa sipas sizmologëve këto pasgoditje të tërmetit të rënë më 26 nëntor janë normale./Fjala.al/
