Mjeku Roland Xhaxho ia ka dalë që të fitojë luftën me koronavirusin dhe të shërohet. Ky lajm u bë publik nga Ministrja e Shëndetësisë, Ogerta Manastirliu, e cila tha se Xhaxho së shpejti do të lërë spitalin infektiv.
Manastirliu bën me dije se së bashku me Roland Xhaxhon janë 40 mjekë, infermierë dhe punonjës të personelit shëndetësor në Shqipëri që janë shëruar tashmë nga COVID-19. Ndërsa në total janë 327 persona në vend që kanë fituar betejën.
Mejkët që janë infektuar deri tani me COVID-19 e kanë kaluar të gjithë duke u shëruar, si Dhimitër Kraja, Andi Koraqi apo dhe mjekë në Tiranë, Kukës dhe Shkodër.
