Vendoset me sukses çipi i dytë në trurin e njeriut

113 563 lexime

124,178FansaPëlqeje

Krijuesi i Tesla dhe SpaceX, Elon Musk, ka njoftuar së fundmi se një person i dytë ka kryer me sukses një implant cerebral nga Neuralink. Musk, i cili është dhe themeluesi i kompanisë Neuralink Corp, ka folur për këtë arritje të dytë gjatë një podkasti të organizuar nga shkencëtari i shkencave kompjuterike Lex Fridman. Noland Arbaugh, një tetraplegjik që nuk ka pasur lëvizje poshtë shpatullave për tetë vitet e fundit, do të përdor implantin Neuralink për të kontrolluar një krusor në ekranin e kompjuterit vetëm me mendjen e tij.

Neuralink ka thënë se ka rikuperuar aftësinë e implantit për të monitoruar sinjalet e trurit të Arbaugh duke bërë ndryshime që përfshinin modifikimin e algoritmit për të qenë më i ndjeshëm. Arbaugh ka përmirësuar rekordin e tij të mëparshëm për shpejtësinë me të cilën mund të kontrollojë një tregues vetëm me mendje, “me vetëm rreth 10 deri në 15% të elektrodoave që funksionojnë,” tha Musk në podcast. “Unë nuk dua të jem i padurueshëm, por duket se implantimi i dytë ka shkuar jashtëzakonisht mirë,” tha Musk. “Ka shumë sinjale, shumë elektroda. Po funksionon shumë mirë.”

Musk i quajti hapat e ardhshëm për Neuralink “gjigantë” dhe parashikoi se në vitet në vijim, kompania do të rrisë ndjeshëm numrin e elektrodave dhe do të përmirësojë përpunimin e sinjaleve.

Sipas faqes së internetit të Neuralink, ‘Lidhësi ynë ndërmjet trurit dhe kompjuterit është plotësisht i implantueshëm, i padukshëm nga ana estetike dhe i dizajnuar për t’ju lejuar të kontrolloni një kompjuter ose një pajisje celulare kudo që të shkoni.”. Neurokirurgu Matthew MacDougall gjithashtu shprehu mendimet e tij në podcastin e Fridman dhe tha se operacioni Neuralink është “një procedurë vërtet e thjeshtë dhe e drejtpërdrejtë.” “Është një nga procedurat më bazike të neurokirurgjisë që mund të imagjinohet.”

Lexo edhe :  Bie ChatGPT, interneti “vërshohet” me ankesa

Gjatë procedurës, kirurgu bën një prerje në lëkurë në majë të kokës mbi zonën e trurit që ka “përfaqësimin më të fuqishëm të qëllimeve të dorës,” sipas MacDougall. “Nëse jeni një pianist, kjo pjesë e trurit tuaj do të ndriçonte gjatë gjithë kohës që po luani,” tha ai. “E quajmë ‘butoni i dorës.’” Madje edhe pacientët që janë katërpalëgjikë, të cilët truri i tyre nuk është më i lidhur me lëvizjet e gishtërinjve, ende e imagjinojnë lëvizjen e gishtërinjve dhe kjo pjesë e trurit vazhdon të ndriçojë, tha neurokirurgu. Pas prerjes së lëkurës në majë të kokës, kirurgët e hapin atë dhe bëjnë një vrimë rreth 1 inç në diametër në kafkë, heqin atë pjesë të kafkës, hapin mbështjellësin e trurit dhe pastaj i japin akses në atë pjesë të trurit robotit Neuralink, sipas MacDougall.

Neuralink mund të hyjë dhe të marrë këto elektrodë të vogla, shumë më të vogla se flokët e njeriut, dhe t’i fusë me precizion në korteks, në sipërfaqen e trurit në një thellësi shumë të saktë, në një pozicionim të saktë që shmang të gjitha enët e gjakut që mbulojnë sipërfaqen e trurit. Pas përfundimit të punës së robotit, mjekët kthehen dhe vendosin implantin në atë vrimë në kafkë, e mbulojnë atë, e ngjitin në kafkë dhe qepin lëkurën përsëri. Kështu që e gjithë procedura zgjat disa orë.”. Musk tha se pret që Neuralink të ofrojë implante për tetë pacientë të tjerë këtë vit si pjesë e provave klinike. S.B

Të fundit

Protestat mund të ndihmojnë tiranë si Trump, por kjo s’është arsye të qëndroj në shtëpi

Nga Zoe Williams Kur Donald Trump u zgjodh për herë të parë president i Shteteve të Bashkuara, veprat e filozofes...

Burrat që i puthin gratë çdo mëngjes, jetojnë më gjatë?!

Sipas një studimi të njohur gjerman, meshkujt që puthin partneren çdo mëngjes para se të nisen për në punë mund të jetojnë deri në...

10 aksidentet më të rënda ajrore vitet e fundit

Rrëzimi i avionit në Ahmedabad është një nga më të rëndët në vitet e fundit, por jo i vetmi. Në vitin 2025 më shumë se...

I vihen prangat Senatorit Amerikan/ Nxirret me dhunë jashtë konferencës, çfarë ndodhi?

“Ai u përpoq t’i bënte një pyetje sekretares dhe u largua me forcë nga agjentët federalë, u detyrua të shtrihej përtokë dhe iu vunë...

A do kandidojë për Bashkinë e Tiranës? Ja si përgjigjet Shehaj

Në një analizë mbi mundësitë e opozitës në zgjedhjet për Bashkinë e Tiranës, Agron Shehaj u pyet në  një studio televizive nëse janë mundësitë...

Lajme të tjera

Web TV