Në Krujë është rritur ndjeshëm numri i të prekurve nga koronavirusi, ku deri më sot të infektuarit kanë arritur në 58. Vetëm në 24 orët e fundit janë shënuar 18 raste, ndërsa ekipi i epidemiologëve ka zbritur në terren për të gjurmuar raste të reja.
Nga ana e saj, ministrja e Shëndetësisë, Ogerta Manastirliu përmes një mesazhi në “Facebook” ka thekson se ky ekip po bën një punë të palodhur në terren për zbulimin e rasteve, për ndërprerjen e zinxhirit të transmetimit.
MESAZHI I MANASTIRLIUT
#COVID19
Ekipi i epidemiologëve të palodhur të #Krujës po bëjnë një punë të jashtëzakonshme në terren për gjurmimin në kohë të rasteve dhe ndërprerjen e zinxhirit të transmetimit të infeksionit, derë më derë, për të frenuar përhapjen e #COVID19!
Punë e palodhur e ekipit të terrenit dr. Ervini, Olta, Silvana, Jonida, Majlinda, Alberti, Mirela dhe i gjithë stafi i Njësisë Vendore të Kujdesit Shëndetësor ??
#ShëndetësiaNëGatishmëri
