Disa kanë zgjedhur sportin, disa vrapin apo biçikletën, ndërsa të tjerë përcjellin emocionet nga shtëpia, përmes muzikës. Alicia Keys ka performuar vazhdimisht muzikën e saj nga shtëpia me mesazhin “Të ruajmë veten tonë “. Jason Derulo vrapon në rrugët e Los Angelos. Julia Roberts shfaqet krejt ndryshe, larg pamjes së rregullt të ekranit. Aktorja është fotografuar teksa shëtit qenin në L.A.
Orlando Bloom ka zgjedhur të shijojë diellin, temperaturat e larta dhe detin në këto ditë pandemie në Los Angelos. Ben Affleck shihet teksa shëtit qentë e tij. Edhe ai po e kalon izolimin në shtëpinë në Los Angelos.
Shëtitje krejt sportive, ka zgjedhur të bëjë edhe Jamie Lee Curtis. Me këtë pamje, e vështirë për ta njohur në rrugë. Tom Hardy mbetet një sportist i devotshëm. Ai është fotografuar teksa bën pazar. Perimet mbeten zgjedhja e tij. Brady, ndryshe nga VIP-at e tjerë, shihet i pajisur me maska e doreza.
Në Los Angelos po kalon ditët e ngrohta të prillit edhe Diane Kruger. Biçikletë e stërvitje në Los Angelos. Kjo është rutina e “sportistit të përjetshëm” Arnold Schwarzenegger. Vetëm shëtitje. Kjo është ajo çfarë mund të bëjnë personazhet e njohura të showbizit botëror gjatë kësaj periudhe.
Ali Larter, Jennifer Garner, Mario Lopez etj, shijojnë temperaturat e larta në vilat e tyre luksoze në L.A, në palestrat apo pishinat e tyre. Edhe pse të shqetësuar nga shifrat e viktimave apo të të infektuarve, VIP-at duan të jenë në formë për rikthimin në normalitet.
