Liga e Kampionëve ka mbyllur ndeshjet e mbrëmjes së parë të javës së parë, ku debuton formati i ri pa grupe. Në katër ndeshjet që u zhvilluan në orën 21:00 u shënuan në total 21 gola.
“Festivali” i golave erdhi nga Mynihu, aty ku Bayerni i shënoi plot 9 herë Dinamo Zagreb, nga të cilat 4 ishin vetëm të Harry Kane. Miqtë shënuan dy herë brenda dy minutave, të cilat shërbyen sa për të ndezur një shkëndijë të vogël shprese. Në këtë takim, pati minuta dhe për sulmuesin e Kombëtares shqiptare, Arbër Hoxha, i cili u aktivizua nga stoli.