Rreth 50 persona për 100 mijë banorë humbin jetën nga vdekjet e papritura. Zemra është shkaku kryesor i këtyre fataliteteve që më së shumti ndodhin tek meshkujt.
Mjekët kardiologë thonë se humbjet e papritura të jetës mund të ndodhin edhe moshat e reja, ku në 80% të këtyre rasteve është i fshehur një problem kardiak, raporton A2.
“70-80 për qid e vdekjeve të papritur janë kryesisht shkaqe kardiake. Pjesa tjetër janë arsye që lidhen me trurin apo shkaqe të tjera”, tha kardiologu Leonard Simoni.
Vdekjet e papritura mund të ndodhin edhe në njerëz të shëndetshëm. Ato mund të paralajmërojnë me shenja ose jo, por në shumicën e rasteve shanset për rikthimin në jetë të pacientit janë të pakta.
Duhani, alkooli, stresi, jeta sendetare dhe historitë familjare janë faktorët që po ndikojnë në rritjen e problemeve të zemrës. Edhe për personat që ndihen të shëndetshëm, mjekët rekomandojnë kontrolle periodike mbi moshën 40 vjeç, shkruan A2.
Në mbarë botën sëmundjet e zemrës zënë vendin e parë për sëmundshmërinë por edhe vdekshmërinë në popullatë. Vetëm vitin e kaluar në QSUT janë regjistruar 1900 urgjenca kardiake nga infarktet ku një pjese e tyre kanë përfunduar me humbje jete./ S,M
