Qeveria parashikon të ndryshojë sistemin e taksave sa i përket banesava të dyta dhe të treta si dhe shtëpitë që jepen me qira ditore apo dhe javore për pushues, turistë apo të tjerë.
Projekti parashikohet në strategjinë afatmesme të publikuar për konsultim publik.
Ligji i ri parashikohet që të zbatohet brenda vitit 2027 ndërsa pritet të ketë një rritje të detyrimeve që duhet të paguajnë ata që kanë më shumë se një banesë.
Të dhënat sa i përket këtij sektori do të merren nga Kadastra ndërsa sipas Ministrisë së Financave, synohet gjithashtu që brenda vitit 2027 të nisë dhe zbatimi i politikave të reja.
Madje projekti parashikon ndryshimin edhe të taksës për metër katrorë, duke iu referuar vlerës reale që do të ketë në treg një pronë e caktuar.
Një tjetër strategji e qeverisë do të jetë dhe taksimi i shtëpive ditore apo akomoduese.
Propozimi është llogaritja e detyrimit në bazë të fitimeve vjetore.
Të dhënat do të merren nga qeveria nëpërmjet platformave digjitale ndërkombëtare të prenotimeve të shërbimit të akomodimit si booking, duve apo 6tour.
Sipas Ministrisë së financave dispozitat e reja në legjislacionin e turizmit do të impaktojnë tatimin mbi vlerën e shtuar, tatimin mbi fitimin e njësive akomoduese dhe tatimin mbi të ardhurat personale nga qeradhënia afatshkurtër të individëve.
Sipas të dhënave nga qeveria në gjysmën e parë të këtij është arritur shifra e 10 milionë turistëve të huaj, të cilët janë akomoduar jo vetëm në hotele por edhe shtëpi ditore./ S.M
