Ka më shumë se 24 orë që 17 emigrantë janë karantinuar në një hotel në pikën kufitare të Kakavijës, por që askush nga DSHP nuk ka shkuar për t’ju marrë tamponat dhe për të kryer analizat.
Janë vetë emigrantët, të cilët e kanë bërë të ditur këtë fakt, ndërsa vlen të theksohet se ditën e djeshme u evidentua rasti i parë me COVID-19 në një hotel në qytetin e Këlcyrës, i cili kishte hyrë që në datën 16 prill nëpërmjet pikës kufitare të Kakavijës.
Kjo situatë ka shfaqur panik edhe për vetë personelin e hotelit, pasi kanë frikë se mund të marrin ndonjë infeksion raporton Fax News.
Ndërkohë që procedurat e marrjes së tamponit duhet të bëhen që në momentin e parë që emigrantët hyjnë në territorin shqiptar.