Gruaja e ambasadorit amerikan në Kosovë, Philip Kosnett, Alison Kosnett, ka befasuar të gjithë me deklaratën e saj teksa ka theksuar se Albin Kurti ka të drejtë se shteti i Kosovës duhet të çlirohet nga kapja dhe korrupsioni.
Duke komentuar një intervistë të kryeministrit në detyrë, Albin Kurti, Alison Kosnett është shprehur se “Ai ka të drejtë, ç’kapja e shtetit të Kosovës është e mundur”.
Pyetjes në profilin e saj në Facebook, se kush është ai që ka të drejtë, Alison është shprehur se ai është “kryeministri në detyrë, Albin Kurti”.
Në profilin e saj në Facebook ka pasur edhe komente tjera.
Gazetarja Jeta Xharra, pas këtyre komenteve të Alison, i ka shkruar se a mund t’ia transmetoj këtë burrit të saj, ambasadorit Philip Kosnett.
I menjëhershëm ka qenë edhe reagimi së ambasadorit, e cila u përgjigj “po, çdo moment”.
Alison Kosnett më tej në përgjigjet e saj për komentuesit tjerë thotë se ka nevojë për më shumë përgjegjësi dhe transparencë dhe të gjithë duhet ta ngritin zërin për këtë.
“E ardhmja e Kosovës kërkon zërin e gjithsecilit, e jo vetëm të Albinit”, shkruan ajo.
Ky qëndrim i gruas së ambasadorit amerikan është befasues, pasi Kossnet mbështeti rrëzimin e qeverisë Kurti.
“Jam i kënaqur të shoh që Kuvendi do të mbajë nesër seancën për votimin e mocionit. Siç i kam thënë kryeministrit sot, është e rëndësishme që Kuvendi dhe të gjitha institucionet e Kosovës të respektojnë Kushtetutën”, shkroi në atë kohë në Twitter Kosnett.
