Shumë vende kohët e fundit kanë deklaruar se shumë shpejt do të prodhojnë vaksinat e tyre, ose një kurë që mund të parandalojë apo trajtojë koronavirusin.
Një ndër to është edhe Britania e Madhe e cila nisi testimin e vaksinës tek njerëzit javën e kaluar. Nga ana tjetër edhe India ka bërë të ditur se do të fillojë të vaksinojë njerëzit e saj në prag të muajit tetor.
Sipas drejtorit të përgjithshëm të “Institutit të Serumit në Indi”, Adar Panavala, kompanitë po planifikojnë prodhimin e vaksinës, vaksina e cila është prodhuar nga shkencëtarët e Oksfordit, kurse Instituti i Serumit në Indi po planifikon të fillojë prodhimin serik për dy ose tre javë. Kjo ka zgjuar kureshtjen e shumë vendeve të cilat janë në kërkim të vaksinës ndaj koronavirusit.
Nxjerrja e vaksinës në treg varet nga ajo se sa i suksesshme në testimi e saj te njerëzit.
“Ekipi ynë është duke punuar ngushtë me doktor Hillin nga Oksfordi, dhe presim fillimin e prodhimit të saj në dy apo tre javët e ardhshme. Gjashtë muajt e parë do të prodhojmë pesë miliona doza në muaj, kështu që shpresojmë që më pas do ta rritim kapacitetin e prodhimit në 10 milionë në muaj”, ka shtuar Ponavala.
Panavala pranoi se kompania e tij nuk do ta patentojë vaksinën, nëse testimet klinike rezultojnë të suksesshme.
“Nuk duam ta patentojmë sepse dëshirojmë të prodhohet dhe shitet në mbarë botën, jo vetëm në Indi. Shpresoj që një,të do të veprojnë edhe kompanitë tjera që zbulojnë vaksinën, me qëllim që të kemi sa me shpejtë miliarda doza në mbarë botën”, u shpreh ai.
