Ditën e sotme është zhvilluar mbledhja e radhës e Komitetit Ekzekutiv të Federatës Shqiptare të Futbollit, ndërsa ky takim u mbajt për herë të parë përmes video-konferencës për të respektuar rregullat e distancimit fizik, masë kjo e marrë si mbrojtje ndaj koronavirusit.
Gjatë kësaj mbledhjeje u diskutua për situatën e krijuar në futbollin shqiptar nga Covid-19 si dheu përshëndet puna e kryer deri më tani nga FSHF-ja. Një ndër çështjet kryesore të ditës ishte përcaktimi i datës së re të Asamblesë së Përgjithshme 2020, e cila u vendos të zhvillohet më datë 11 maj nëpërmjet video-konferencës me platformën “Microsoft Teams”.
Duhet theksuar se ky vendim u mor për shkak të pamundësisë për ta zhvilluar atë normalisht si çdo vit tjetër, ndërsa në këtë mbledhje u miratuan të gjithë materialet që do t’i dërgohen anëtarëve një javë para zhvillimit të Asamblesë./Fjala.al/
