Ish-deputeti i Partisë Demokratike, Tritan Shehu, me anë të një postimi në Facebook e ka konsideruar Mini-Schengen Ballkanik si një tentativë e rrezikshme e cila mund të na kthejë përsëri drejt Lindjes.
Shehu ka qenë pjesë e takimeve me rastin e përvjetorit të 29-të të themelimit të partisë PDSH në Preshevë. Ndërkohë ish-deputeti nuk ka lënë pa përmendur si kryefjalë “Jugosllavinë e Re”, e cila sipas tij do të vijë si pjesë e projektit Mini-Schengen.
Postimi i Shehut:
Preshevë: Një Komb një Qëndrim për te ndalur “Jugosllavinë e Re”.
Takime emocionale realizova dje ne Presheve ne përvjetorin e 29-te te themelimit te PDSh aty, kësaj force patriotike, demokratike e me një vizion europian ne mbrojtje te te drejtave themelore, duke ju kundërvënë çdo represioni e pa drejtësie.
Ishte kjo një mundësi për të shkëmbyer mendime me ata vendas te mrekullueshëm, autoktone, pjese e “rrënjëve” te qytetërimit europian, qe aspirojnë qe me Shqipërinë, Kosovën e Rajonin te jemi bashkë në BE e në NATO, në miqësi të ngushtë me ShBA.
I gjeta të qarte se çdo tentative për atë “Shengen” aventuresk, që ringjall “Jugosllavite”, zbeh Kosovën si shtet, na lidh me Euroazin ruse etj, bije ndesh jo vetem me interesat madhore si shqiptare kudo ku jetojmë, por dhe te Rajonit.
Pikërisht për t’iu kundërvënie këtyre tentativave te rrezikshme, qe veçse inspirohen nga dominimet nacionaliste, qe kërkojnë te na kthejnë përsëri drejt Lindjes, shqiptaret dhe ne Presheve si ne te gjitha hapësirat tona, udhëhiqen nga nje parim:
“Një Komb një Qëndrim ne mbrojtje te aspiratave tona kombëtare e europiane” tashme te rrezikuara, duke hedhur ne “kosh” ideatorët beogradas apo dhe tellallet shqipfolës alla Esat Pashë të atij konspiracioni makbethian, te ashtuquajtur “Shengen Ballkanik”./Fjala.al
