Presidenti i Republikës, Bajram Begaj, nisi sot një vizitë në Itali me ftesë të presidentit italian, Sergio Mattarella.
Institucioni i Presidencës njofton se, gjatë kësaj vizite, Presidenti Begaj do të vizitojë Horën e Arbëreshëve në bashkëpunim me homologun e tij, Mattarella.
Në axhendën e Kreut të Shtetit janë parashikuar një sërë takimesh me autoritetet italiane rajonale dhe komunitetin arbëresh në Sicili.
Hora e Arbëreshëve, një komunë në Siçili, u themelua më 30 gusht 1488 nga një grup shqiptarësh të shpërngulur nga trojet e tyre. Më shumë se një pjesë e madhe e anëtarëve të parë të kësaj bashkësie janë nga zona e Himarës.
Me 6,427 banorë, Hora e Arbëreshëve njihet si kryeqyteti i arbëreshëve, një nga bashkësitë më të mëdha të komuniteteve historike shqiptare në Itali. Ajo është qendra më e rëndësishme dhe më e populluar e arbëreshëve në Sicili, ku ndodhet selia e peshkopit të Kishës Bizantine Italo-Shqiptare, Eparkia (ose Eparhia) e Horës së Arbëreshëve.
Bashkia përdor në dokumentet zyrtare dygjuhësore gjuhën shqipe dhe italiane për banorët e saj, në përputhje me ligjin ekzistues për mbrojtjen e pakicave etnike dhe gjuhësore në Itali./K.B