Arrestimi i Ilir Metës dhe puna e SPAK vijon të jetë një temë e nxehtë e aktualitetit dhe e debateve. Pedagogia dhe ish-zv.ministrja e Turizmit Ornela Çuçi e cilësoi një peshk të madh, referuar dhe postit që ka mbajtur si President i Republikës.
Në studion e “Opinion” në News24 pati replika mes saj, Halit Valterit dhe dy përfaqësuesve të Partisë së Lirisë Agim Nesho dhe Brisida Shehaj.
Ajo tha se SPAK-u duhet përqafuar nga opozita dhe se dosja për Cyrbjan nxori atë që ndodh nën tokë dhe se duhet të bëhet standard që Shqipëria të shkojë në zgjedhje pa bandat.
Nga ana tjetër Shehaj tha se SPAK ka hetime vetëm për eksponentë të opozitës.
Ornela Çuçi: 15 mln euro që ka marrë SPAK-u këto vite është që mos të kemi ato rrugë 1.3 mln euro. Nuk ka më asnjë funksionar që do firmosë ato afera.
Shehaj: Po ka plot, të jap shembuj.
Çuçi: Jo mua shembujt, as tek unë. Shembujt duhet të jenë atje ku e çoi Valteri.
Shehaj: 5D, Porti i Durrësit, pse nuk u trembën nga SPAK.
Çuçi: SPAK-u po funksionon siç duhet.
Shehaj: Me këtë po funksionon.
Çuçi: Janë 53 zyrtarë nën hetim, vetëm 3 nga opozita.
Shehaj: Të lexosh atë dosje është turp. Të thotë Ndreca, i mora dhe i ktheva dhe nuk ka akuzë as për shpërdorim detyre.
A është Ilir Meta peshku i madh?
Çuçi: Është një ish-President dhe po patjetër është një peshk i madh. Do rrimë duke krahasuar kush ka vjedhur më shumë apo më pak apo do vendosim një standard. Unë nuk doja të bija në kuthin kush është e keqja më e madhe dhe më e vogël. Mbase ka ardhur koha që enverizimi i gjatë i partive nga liderët duhet të përfundojë. Ka ardhur koha që asnjë lider të mos jetë më 30 vjet, 50 vjet. Vetë liderët të ikin nga procesi, të hapin rrugën.
Neshaj: Kush do e bëjë këtë, republika e prokurorëve apo vota e lirë e popullit.
Çuçi: Nga analiza e votës së lirë, të dy partitë opozitare nuk kanë rezultuar fituese.
Shehaj: E kam provuar personalisht në 2021. Nuk ia uroj hasmit se çfarë kam kaluar si femër, kërcënimet që kam marrë, terrorin nga strukturat policore, përdorimi i djemve dhe vajzave që kur mbaroi fushata na thoshin na detyruan, paguheshin me orë atje ku bënim takime, ndaj mos me fol për kërcënime.
Çuçi: Për këtë ju duhet të përshëndesni SPAK-un. Po opozita sot më shumë se kurrë duhet të përqafojë SPAK-un fort. Dosja e Cyrbjas që ka dalë ka nxjerrë underground-in. Duhet të bëhet standard dhe kjo Shqipëri duhet të shkojë në zgjedhje pa bandat.
\
/e.t
