Gjasat janë që SHBA do të diktojë politikën në zgjedhjet e 2025 që të ketë sa më pak njerëz të angazhuar në veprimtaritë kriminale…
Sot mund të shihet qartë se operacioni ndaj Sali Berishës dhe Ilir Metës, është një mekanizëm që shkon përtej këllqeve të Edi Ramës.
Këtë uragan e kanë mbështetur amerikanët, të cilët qartësisht nuk do t’i lënë Sali Berishën, Ilir Metën dhe Monika Kryemadhin që të jenë pjesë e Parlamentit të ri.
Nëse ata do ta drejtojnë partinë nga arresti, e do të rrisin pikët politike për të mundur Edi Ramën, gjë që nuk shihet në horizont, do të ishte mirë për të gjithë. Por edhe nëse e bëjnë, nuk ka gjasa kurrë që Berisha e Meta të shpëtojnë nga dara e drejtësisë. Përkundrazi, është vetëm fillimi, e ata do të kenë tani një seri procesesh edhe më të ashpra se ata që përballojnë.
Strategjia konsiston se nga burgu, në rastin e Berishës nga arresti i shtëpisë, fuqia e tyre në terren do të jetë gjithnjë e më e vogël e do të gjenerojë forca e individë të tjerë për të rigjallëruar opozitën shqiptare.
Formula është e thjeshtë: bëhuni të lirë dhe të gjithë do jenë me ju. Berisha e Meta e kanë mbyllur përfundimisht historinë e pushtetit. E kjo duket si një formulë e mbyllur tashmë.
Ndërkaq, partitë e Sali Berishës dhe Ilir Metës, as nuk mendohet që të vijnë në pushtet, e këtu fillon. Kur të humbin keqas, por shumë keqas Berisha e Meta, do të nisë tranzicioni. Që nga sot, madje që nga dje, SHBA e BE do të kontaktojnë me çdo politikan të opozitës për t’i ndihmuar. Opozita anti-Berishë ka mbështetjen më të madhe, por që forcën do ta tregojnë në territor. E nëse opozita do të mbështesë Berishën e Ilir Metën, SHBA nuk do të lejojë që ajo të ketë primatin, në asnjë mënyrë, ndaj këtu fiton Edi Rama.
Dhe këtu shfaqet dilema se përse Ilir Meta nuk është shpallur Non Grata në SHBA? Kur Ilir Meta ka pasur qëndrimet më të egra e forta kundër amerikanëve në vite? Në fund të Presidencës së tij pati një afrim me amerikanët.
Në vitin e fundit të presidencës së Metës, ambasadorja Yuri Kim e bëri me Metën festën e pavarësisë e madje kur mori partinë e Lirisë pati edhe takime me përfaqësuesit ndërkombëtarë.
Por pikërisht këtu është prishur një marrëveshje, sepse atij i është kërkuar që të mos dalë kundër drejtësisë së re, dhe është Meta që e ka prishur.
Siç mësohet, pikërisht këto ditë pritet që Ilir Meta të ketë një sanksion të rëndësishmëm nga SHBA, e bëhet fjalë nga Departamenti i Thesarit, siç ndodhi me Milorad Dodik. Por përveç Ilir Metës, pritet që në listë të ketë edhe emra të rëndësishëm edhe nga mazhoranca si të hetuar ashtu edhe nga ata që presin të hetohen. Gjasat janë që SHBA do të diktojë politikën në zgjedhjet e 2025 që të ketë sa më pak njerëz të angazhuar në veprimtaritë kriminale. Vendimi që do të merret në dhjetor, ku priten supriza mjaft të mëdha…/ S,M