Në Dubai, janë shpërndarë çmimet individuale të “Globe Soccer” të vitit për futbollistët më të mirë.
Sot, u shpall lojtari më i mirë i vitit, talenti më i mirë i vitit, trajneri më i mirë dhe portieri më i mirë, si dhe shumë çmime të tjera individuale.
CR7 u shpall futbollisti më i mirë i vitit. Ronaldo njihet për 40 golat e tij që nga transferimi te Juve nga Real Madrid në verën e vitit 2018, ku sezonin e kaluar fitoi një Scudetto, dhe si kapiteni i Portugalisë Ligën e Kombeve.Kjo është hera e 6 që portugezi e fiton këtë çmim, teksa mposhti në këtë garë Mesin dhe mbrojtësin e Liverpulit, Van Dijk.
Felix kishte konkurrencë të fortë për talentin më të mirë, por në fund ia doli të fitojë.
Ndërsa Alisson Becker, kompletoi një vit 2019 fantastik. Ndërsa Klopp u shpall trajneri më i mirë.
Si përfundim këto katër çmime kryesore, i fituan: Cristiano Ronaldo si “Lojtari më i mirë i vitit”, Alisson si “Portieri më i mirë i vitit”, Joao Felix si “Talenti më i mirë i vitit” dhe Jurgen Klopp si “Trajneri më i mirë i vitit”.
