Aktori dhe fituesi i çmimit Oscar, Jamie Foxx, është goditur me gotë qelqi në gojë teksa po darkonte për festonte ditëlindjen e tij të 57-të.
Ngjarja u regjistrua në një restorant në Beverly Hills të premten e 13 dhjetorit.
“Dikush nga një tryezë tjetër e gjuajti me një gotë që e kapi te pjesa e gojës dhe çështja tani është në duart e zbatimit të ligjit, tha një përfaqësues i Foxx.
Policia lokale fillimisht mori informacion për një incident të mundshëm me armë, por pasi konstatoi se bëhej fjalë për një konflikt fizik mes palëve nuk kreu arrestime, raporton BBC.
Ky incident ndodhi vetëm disa ditë pasi Foxx ndau përvojën e tij me një problem serioz shëndetësor në një special në Netflix të titulluar “Jamie Foxx: What Had Happened Was”.
Foxx bëri një postim në rrjetet sociale duke falënderuar mbështetësit e tij dhe duke treguar se nuk lejon që pengesat ta ndalojnë.
“Kur drita jote shkëlqen fort, disa përpiqen të sjellin errësirë, por ata nuk e dinë që je ndërtuar për këtë,” tha ai.
Në specialen e Netflix, Foxx zbuloi se kishte kaluar një hemorragji cerebrale që i shkaktoi goditje në tru vitin e kaluar.
“Ishte një mister,” theksoi aktori.
Ai humbi ndjenjat dhe nuk kujton 20 ditë të ngjarjes.
Falë motrës së tij, e cila e çoi në spitalin Piedmont në Atlanta, Foxx iu nënshtrua një operacioni që i shpëtoi jetën. Megjithëse rikuperimi ishte i vështirë, ai është optimist dhe mirënjohës për mbështetjen që ka marrë./e.t
