Pjesa më e madhe e territorit të vendit është përfshirë nga reshje të dendura shiu, ndërsa në zonat malore priten reshje dëbore. Por ndryshe nga këto ditë, një lajm i mirë vjen për festat e fundvitit.
Meteorologu Akil Osmani, nga Meteoalb, shprehet se moti do jetë i qëndrueshëm dhe pa reshje.
Ai theksoi se gjatë festave do ketë rënie temperaturash. Sipas tij, termometri do të shënojë vlerat minimale në zonat malore në 5 deri 6 gradë dhe maksimalja në 14 gradë Celsius
“Në fakt për festat e fundvitit sinjalet janë që të kemi mot të qëndrueshëm, por temperaturat e ajrit do jenë mjaft të ulëta. Vlerat minimale do zbresin në -5 deri -6 gradë Celsius dhe maksimalja nga 13-14 gradë Celsius”, tha ai./e.t
