Ish-presidenti i Francës Nicolas Sarkozy është përballur me gjykatat franceze pasi akuzohet për marrjen e fondeve të paligjshme nga regjimi i atëhershëm i Muamar Gadafit në Libi.
Të akuzuar në të njëjtin rast janë 12 persona të tjerë, duke përfshirë tre ish-ministra të qeverisë Sarkozy (Brice Ortfe, Claude Guedt dhe Eric Wert) si dhe ish-zyrtarë të regjimit të Gaddafit. Gjyqi, i cili po zhvillohet në prani të Sarkozy, pritet të përfundojë prillin e ardhshëm.
Ish-presidenti i Francës 69-vjeçar akuzohet veçanërisht për korrupsion, përvetësim të parave publike, financim të paligjshëm të fushatës së tij zgjedhore dhe formim bande, ndërsa përballet me një dënim me 10 vite burg, heqje të të drejtave të tij politike dhe një gjobë financiare.
Vetë Sarkozy e ka cilësuar të gjithë rastin si një “mit”, ndërsa ambienti i tij e tregon atë si “luftëtar” dhe “të vendosur” për të provuar pafajësinë e tij.
Sipas aktakuzës në vitin 2005 – kur Sarkozy ishte ministër në qeveritë e Zhak Shirak – gjatë një vizite zyrtare në Libi u takua me Gadafin, i cili atëherë po përpiqej të dilte nga regjimi i izolimit diplomatik ndërkombëtar, dhe i premtoi atij se Franca do ta ndihmojë atë nëse do të arrijë të fitojë zgjedhjet presidenciale të vitit 2007. Sarkozy kërkoi nga Gaddafi që të financojë fushatën e tij zgjedhore me një shumë që aktualisht vlerësohet të jetë rreth 50 milionë euro.
Ekzistenca e një marrëveshjeje sekrete mes Sarkozy dhe Gaddafit konfirmohej herë pas here si nga djali i Gaddafit, Saif al-Islam, ashtu edhe nga zyrtarë të tjerë libianë. Drejtësia franceze filloi të merret me këtë çështje në vitin 2012, pra menjëherë pas përfundimit të mandatit të Nicolas Sarkozy si president i Republikës Franceze dhe rreth një vit pas vdekjes së Gaddafit, i cili u vra në vitin 2011.
Në 555 faqe aktakuzë autoritetet gjyqësore franceze i referohen me hollësi vështirësive shumë të mëdha që kanë hasur në kuadër të hetimit të çështjes, e cila konsiderohet jashtëzakonisht. komplekse dhe me shumë “zona gri”.
Kjo është hera e pestë që Sarkozy përballet me drejtësinë franceze pas përfundimit të mandatit të tij, në vitin 2012, në presidencën e Republikës, ndërsa është i vetmi president i Francës që tashmë është dënuar përfundimisht në një rasti korrupsioni./E.T
