U nda nga jeta në moshën 93-vjeçare stilistja e famshme, Rosita Missoni. Ajo u shua të mërkurën e 1 janarit në shtëpinë e saj në Sumirago, në veri të Italisë.
Stilistja, me bashkëshortin e saj Ottavio krijuan një nga shtëpitë më ikonike të modës në botë, atë të ‘Missoni’-t.
Vdekja e saj u konfirmua nga Angela Mariani, menaxherja e komunikimit e Missoni-t.
Rosita dhe Ottavio, të njohur për modelet shumëngjyrëshe me vija që karakterizonin shtëpinë Missoni, filluan rrugëtimin e tyre të përbashkët në modë në vitin 1953.
Nga një biznes i vogël familjar, shtëpia e Missoni u shndërrua në një nga atelietë nga më të rëndësishmet në botë, duke e bërë Milanon kryeqytetin e modës të nivelit të lartë italiane./K.K
