Pirja e cigareve mund të sjellë menopauzë më të hershme, thuhet në një studim të ri, i kryer nga shkencëtarët e Central South University në Kinë.
Hulumtimi, i cili analizoi të dhënat shëndetësore të gati 140,000 grave britanike, zbuloi se ato që pinin duhan shpesh kishin më shumë gjasa të fillonin menopauzën para moshës 45-vjeçare.
Gratë që pinin më shumë se 30 paketa cigare në vit kishin 50 për qind më shumë gjasa të përjetonin menopauzë të hershme, sesa ato që nuk kishin pirë kurrë duhan.
Studimi, arriti në përfundimin se lënia e duhanit mund të zvogëlojë shanset e një gruaje për menopauzë të hershme deri në një të tretën.
Ekspertët argumentojnë se pirja e duhanit ul nivelet e estrogjenit të hormonit seksual femëror, duke shkaktuar menopauzën. Disa kanë paralajmëruar gjithashtu se pirja e e-cigareve, të njohura edhe si vapes, mund të ketë një efekt të ngjashëm.
Menopauza ndodh kur menstruacionet ndalojnë për shkak të niveleve të ulëta të hormoneve. Kjo shpesh shoqërohet me simptoma të tilla si skuqje, afshe të nxehta, vështirësi për gjumë dhe thatësi vaginale.
Për shumicën e grave në MB, menopauza ndodh midis moshës 45 dhe 55 vjeç. Megjithatë, rreth pesë për qind do të kalojnë menopauzën midis moshës 40 dhe 45 vjeç.
Studimet e mëparshme kanë lidhur menopauzën e hershme me pirjen e duhanit. Në vitin 2015, një studim në Mbretërinë e Bashkuar zbuloi se gratë që pinë duhan priren të hyjnë në menopauzë rreth një vit më herët se jo duhanpirëset.
Studime të tjera kanë sugjeruar se pirja e duhanit gjithashtu mund t’i përkeqësojë simptomat e menopauzës – me duhanpirëset përjetojnë më shumë afshe të nxehta dhe djersitje më intensive gjatë natës.
Duhanpirëset pas menopauzës janë gjithashtu më të rrezikuara nga osteoporoza. Ndërsa ende nuk dihet pse pirja e duhanit rrit rrezikun e menopauzës së hershme, ekspertët besojnë se zakoni kufizon aftësinë e trupit për të prodhuar estrogjen./e.t
