Pas pauzës dimërore, kampionati “Abissnet Superiore” u rikthye me ndeshjet e javës së 20-të.
Fitorja e Bylisit ndaj Dinamo City-t ishte dhe surpriza më e madhe e kësaj jave. Ballshiotët triumfuan në shtëpi me rezultatin 2-1.
Kampionët në fuqi të Egnatias e nisën mbarë vitin, pasi mundën në “Egnatia Arena” Laçin me rezultatin minimal 1-0.
Vllaznia triumfoi në klasiken e futbollit shqiptar ndaj Tiranës me rezultatin 2-1. Për kuqeblutë vendosi Bekim Balaj, i cili realizoi dy gola.
Sot u luajtën dy ndeshjet e fundit të javës së 20-të. Partizani barazoi 1-1 me Skënderbeun në “Arenën e Demave” dhe tani ndodhet në të njëjtën kuotë pikësh me Dinamo City-n e Vllazninë, 34.
AF Elbasani triumfoi me përmbysje në shtëpi ndaj Teutës me rezultatin 3-1./ D.C
