Stoku i dosjeve nuk po njeh zbritje mbasi deri më tani çështjet në pritje kanë shkuar deri në 150 mijë që po presin në rang vendi.
Për këtë arsye aktorët e drejtësisë kanë propozuar të ndërhyhet sërish në ligjin “Për organizimin e pushtetit gjyqësor” të miratuar nga reforma në drejtësi në 2016.
Si çelës zgjidhjeje shikohet ndihmësi ligjor i atashuar pranë trupave gjyqësore dhe për këtë sillet si shembull implementimi i projektit amerikan të pak kohëve më parë në gjykatën e lartë që pilotoi shtimin e këshilltarëve ligjore duke sjellë evadimin e çështjeve gjyqësore në baclog.
Në këtë propozim për të kryer ndryshimet ligjore ku sugjerohet që numri i ndihmësve ligjore të jetë sa dyfishi i gjyqtarëve në rang vendi, përmendet se ndërhyrja nuk kryhet vetëm për shkak të volumit të çështjeve të prapambetura dhe vonesave gjyqësore.
Në të vërtetë përmendet në relacion procesi i vettingut thjesht e përshpejtoi stokun e dosjeve, mbasi kjo situatë ishte konstatuar edhe më parë. Prandaj theksohet Këshilli i lartë gjyqësor i vlerëson ndryshimet në legjislacion si të domosdoshme për të përmirësuar miradministrimin e gjykatave.
Aktualisht numri i këshilltarëve ligjore është 56 ndërkohë numri i miratuar i gjyqtarëve është 408. Mungesa e ndihmësve ligjore sjell impakt negative detajohet më tej për secilin gjyqtar që përgatit dhe zgjidh çështjen. Nëse secili gjyqtar do të asistohet nga një ndihmës ligjor atëherë do të rritet ndjeshëm shpejtësia e gjykimit parashikohet më tej.
Sugjerimi tjetër është që të ndryshojë skema e rekrutimit të këshilltarëve ligjore tyre që aktualisht ka si kusht konkurrimin në shkollën e magjistraturës dhe që propozohet të kryhet përmes këshillave të gjykatës./K.K
