Me zgjedhjet e përgjithshme, të cilat do të zhvillohet pas 6 muajsh dhe me ekonominë globale e cila ndodhet në kaos prej koronavirusit, Presidenti Donald Trump, po kërkon aleatë që të fajësojë Kinën për dështimin për të parandaluar përhapjen e infektimit. Tani, Trump po bën të pamundurën për të kërkuar aleatë për të fajësuar Kinën. Ndërkohë, që shumë aleatë të Amerikës, po bashkohen për të rritur tensionet me Kinën, disa drejtues evropianë kanë shprehur shqetësimin se si Kina e trajtoi krizën.
“Disa opsione hakmarrëse që po diskutohen brenda Shtëpisë së Bardhë për Kinën, janë vendosja e tarifave shtesë për produktet kineze, shkatërrimi i mëtejshëm i kompanive kineze të telekomunikacionit,”, kanë thënë burime për CNN.
Gjithashtu, zyrtarët theksuan se nuk pritet ndonjë veprim i menjëhershëm për këto masa.
Sekretari i Thesarit, Steven Mnuchin, i cili ishte “avokati” për lidhje më të ngushta ekonomike me Pekinin dhe që konsiderohet si një nga këshilltarët kryesor të Presidentit në Kinë, është shprehur se “ka filluar të mendohet marrja e një qëndrimi të ashpër ndaj Kinës”.
Ndër të tjera, shtohet se ka pasur një përpjekje të përbashkët për të izoluar diskutimet tregtare nga tensionet aktuale politike për të mos dëmtuar punën që është bërë deri më tani. Gjithashtu, zyrtarët e administratës kanë qenë të kujdesshëm që të mos e detyrojnë Kinën për mos-performancën e blerjeve në bujqësi.
“Kina ka ndërmarrë disa veprime në lidhje me angazhimet për marrëveshjen tregtare mbi pronën intelektuale, por në përgjithësi ka qenë një rekord i pabarabartë në fazën e parë”,- thanë këto burime, duke shtuar se asnjë palë nuk ka shkelur temën e bisedimeve tregtare të fazës së dytë./Fjala.al/
