Qendra Federale për Shëndetin Publik në Belgjikë, paralajmëron se një valë e dytë e Covid-19, pritet të “ndizet” në gusht.
Zyrtarët e qendrës thonë se vala e dytë mund të ndodhë në gusht dhe se gjithashtu mund të ketë edhe një valë të tretë, raporton Brussels Times.
“Ka mundësi që numri i të infektuarve dhe atyre të hospitalizuar të rritet sërish, nëse masat kufizuese hiqen ose nuk i përmbahen rekomandimeve të dhëna”, ka deklaruar epidemiologu belg Steven Van Gucht.
Gucht paralajmëron se është i mundur rikthimi i virusit në gusht, sikurse që është e mundur që një gjë e tillë të ndodhë gjatë vjeshtës apo dimrit për shkak të përkeqësimit të kushteve klimatike./Fjala.al/
