Policia e Fierit ka vënë një pranga një vlonjat pasi në makinën e tij është gjetur një sasi kokaine.
Mësohet se në pranga ka rënë shtetasi me inicialet riu K. Ll., banues në Vlorë. Në njoftimin e policisë thuhet se i arrestuari ka qenë duke drejtuar mjetin e tij në gjendje të dehur, kur është ndaluar nga uniformat blu.
Në kontrollin e imtësishëm, policia i ka gjetur poshtë sedijes një sasi kokaine, e ndarë në doza të vogla.
Policia nuk jep përgjigje se ku ishte zona që ky trafikant shpërndante drogën e tij.
Njoftimi i policisë:
Fier
Goditet një rast i drogave të forta në qytet.
Kapet dhe arrestohet në flagrancë 30-vjeçari me kokainë në automjet të cilin e drejtonte në gjendje të dehur.
Strukturat e Drejtorisë Vendore të Policisë Fier, krahas punës për kontrollin e zbatimit të masave kufizuese për mospërhapjen e COVID-19, kanë vijuar punën për evidentimin dhe goditjen e paligjshmërisë.
Në vijim të kontrolleve të shtuara nëpër rrugët e qytetit me qëllim parandalimin dhe goditjen e rasteve të posedimit apo shpërndarjes së lëndëve narkotike, specialistët për hetimin e narkotikëve kanë bërë kapjen dhe arrestimin në flagrancë të shtetasit:
- K.Ll., 30 vjeç, banues në Vlorë.
Në lagjen “16 Prilli” Fier, ky shtetas është kapur duke drejtuar automjetin e tij në gjendje të dehur, dhe gjatë kontrollit në mjet, poshtë sediles ju gjet dhe ju sekuestrua një sasi me lëndë narkotike e dyshuar Kokainë e ndarë në doza të vogla.
Materialet i kaluan Prokurorisë pranë Gjykatës së Shkallës së Parë Fier për veprat penale “Prodhimi dhe shitja e narkotikëve” dhe “Drejtimi i mjetit në gjendje të dehur”./l.m/Fjala
