Shqiptari Igli Tare është një nga drejtorët sportiv më të mirë të momentit në kampionatin më të madh të futbollit në Itali, Serinë A.
Puna e shkëlqyer që ka bërë te Lazio e ka kthyer Taren në drejtorin e preferuar të medieve vendase, të cilat kanë realizuar një sërë shkrimesh për vlonjatin.
Tare u ka dhënë besim total talenteve të reja dhe ka investuar shumë te ta, por ky kontribut i është kthyer mbrapsht me punën e fortë që ata kanë bërë dhe me rezultatet e larta.
Një nga mediet më të mëdha në Itali “Corriere dello Sport” ka realizuar një intervistë me shqiptarin, ku ka pasur dhe batuta mbi trajnerin e Lazios Simone Inzagi. Tare ka thënë për teknikun e të kaltërve se më mirë njeh atë se gruan e tij.
“Nuk surprizohem aspak nga Simone. E njoh më mirë se njoh gruan time. E njëjta gjë edhe për të, njihemi prej 15 vitesh.”-ka thënë duke qeshur drejtori sportiv i Lazios.
Më tej, vlonjate ka folur për ecurinë e klubit dhe premisat e së ardhmes, ku ka theksuar se synimi kryesor është Liga e Kampionëve.
“Kjo është Lazio e së ardhmes, një formacion që vjen si rezultat i punës së shumë njerëzve. Merita e rezultateve pozitive, nuk është e imja, e një ose 2 personave, por e përpjekjeve të bëra nga të gjithë ata që punojnë për këtë klub. Tani jemi vetëm në gjysmë të rrugës. Duhet të ruajmë standardin e performacës deri në fund, për të arritur objektivat tona.
Objektivi i Lazios është kualifikimi në Champions. Është herët për të folur për më shumë, të shohim se në çfarë situate do të jemi në 3-4 javët e fundit.”-shtoi ai.
Tare theksoi se nuk priten lëvizje të mëdha nga janari, pasi sipas tij klubet nuk kanë ndërmend t’i lënë t’u ikin nga duart lojtarët e mirë.
“Në janar tregu nuk ofron mundësi të mëdha sepse skuadrat që kanë lojtarët më të mirë i mbajnë ata”-tha ndër të tjera shqiptari./Përgatiti: Fjala.al/
