Ministrja e Shëndetësisë, Ogerta Manastirliu i është përgjigjur akuzave të Bashës duke mohuar zjarrin në zyrat e institucionit që ajo drejton.
Përmes një postimi në ‘Twitter’, Manastirliu shkruan se tymi i zjarrit imagjinar po del nga koka e kreut të Partisë Demokratike. Më tej me ironi ajo thotë se dikush ti hedhë ujë në sy Bashës që të zgjohet.
“Nuk ka asnjë zjarr në Ministrinë e Shëndetësisë! Tymi i zjarrit imagjinar që po shihni dhe dëgjoni, del vetëm nga koka e kryetarit të PD. Dikush duhet t’i hedhë ujë në sy që ta zgjojë nga gjumi!”, shkruan Manastirliu.
Ndërkohë më herët kryetari i Partisë Demokratike, Lulzim Basha pretendoi se është vendosur zjarr në zyrat e prokurimeve në katin e 4-t të Ministrisë së Shëndetësisë me qëllim për të fshehur tenderat sekretë të nënshkruar nga Manastirliu.
