Ministri i Shtetit për Marrëdhëniet me Parlamentin, Taulant Balla ka reaguar për zgjedhjen e Fortlumturisë së tij Joanit si Kryepiskop i Kishës Ortodokse Shqiptare.
Balla uron Kryepiskopin e ri dhe thotë se kjo është një ngjarje e shënuar në historinë Kishës Ortodokse Autoqefale të Shqipërisë.
“Urime Fortlumturia e tij Joani për zgjedhjen nga Sinodi i Shenjtë në krye të Kishës Ortodokse Autoqefale të Shqipërisë. Me ndihmën e Zotit ai do të udhëheqë grigjën e do të lartësojë më tej vlerat e besimit e harmonisë fetare. Sot është një ditë e mirë për besimtarët ortodoksë në vendin tonë dhe një ngjarje e shënuar në historinë e Kishës Ortodokse Autoqefale të Shqipërisë”, shkruan Balla./ S,M
