Barcelona ka siguruar një fitore të jashtëzakonshme me shifrat 4-2 përballë Atletico Madrid, duke përmbysur avantazhin 2-0 të madrilenëve, të cilët i ka rivalë direkt për titullin.
Ndeshja ka qenë spektakolare, me të dy skuadrat që kanë kërkuar pareshtur të gjenin rrugën e rrjetës e me katalanasit të cilët iu afruan më shumë në pjesën e parë. Por në fundin e saj, ishte Atletico që ia doli të gjente avantazhin, me një kundërsulm të shpejtë të finalizuar nga i zakonshmi Julian Alvarez.
Barcelona u hodh në sulm, por u ndëshkua nga një tjetër kundërzbritje, këtë herë me Sorloth si finalizues. Megjithatë, reagimi i shpejtë me golin e Lewandowskit bëri që ndeshja të mbetej e hapur, me katalanasit më ngulmues, ata shënuan barazimin me Ferran Torres dhe më pas mbyllën Atleticon në zonë e vet në pjesën më të madhe të minutave të mbetur.
Goli do të vinte vetëm në shtesë, kur një gjuajtje e Yamal u devijua nga Reinildo duke mashtruar Oblak i cili pa sferën të ndalej në rrjetë, për t’i dhënë avantazhin 3-2 Barcelonës, Më pas erdhi edhe goli i katërt i Torres i cili vulosi fitoren 4-2 dhe njëkohësisht edhe kreun e renditjes për katalanasit./ D.C
