Gazetari i njohur Dritan Shakohoxha ka reaguar ashpër ndaj Federatës Shqiptare të Futbollit, duke e akuzuar për përjashtimin e grupimit “Tifozët Kuqezi” nga tribunat e stadiumit në ndeshjen Angli-Shqipëri.
Në një postim në rrjetet sociale, ai ka ironizuar FSHF-në me fjalët:
“Tribunat kështu i bëjnë vetëm tifozët kuqezi, por FSHF nuk do.”
Ky qëndrim i tij vjen pas akuzave të grupimit “Tifozët Kuqezi”, të cilët pretendojnë se FSHF nuk i pajisi me bileta si formë ndëshkimi për kundërshtimin e organizimit të Europianit U21 mes Shqipërisë dhe Serbisë.
Ngjarja ka shkaktuar shumë reagime në opinionin sportiv, duke rritur tensionet mes tifozëve dhe institucionit që drejton futbollin shqiptar. /k.k
