Klodjan Simoni, nga fshati Topojë i Fierit, është i vetmi në zonën e tij që ka ngritur sera diellore. Pasi u kthye nga Italia pesë vite më parë, ai investoi kursimet e mbledhura për të ndërtuar një serë diellore prej 2 dynymësh.
Me kalimin e kohës, ai e zgjeroi sipërfaqen në 4 dynym, ku kultivon perime në dy sezone, duke arritur një prodhim prej mbi 50 tonësh.
Aktualisht, Klodjani ka mbjellë 2 dynym lakër të bardhë dhe 2 dynym domate. Në sezonin e parë, ai kultivon trangull kornishon, për të cilin ka një kontratë me çmim të sigurt që në momentin e mbjelljes, duke siguruar që i gjithë prodhimi të eksportohet në Bashkimin Evropian.
Në këto kushte, Klodjani kërkon ndërhyrjen e shtetit për rishikimin e ligjit, në mënyrë që edhe fermerët me sera të vogla të përfitojnë subvencione.
Ai gjithashtu apelon për një rregullim të tregut, duke vendosur një çmim javor për produktet bujqësore në pikat e grumbullimit, për të garantuar një fitim të qëndrueshëm për fermerët./k.k
