Deri më sot janë 30 policë që kanë rezultuar të prekur nga virusi covid-19. Është ministri i i Brendshëm, Sandër Lleshaj, ai që bën publike shifrën.
A jeni i kënaqur me punën që ka bërë policia gjatë periudhës së pandemisë
“Absolutisht po! Sepse kemi patur një angazhim të madh, kemi patur një polici e cila është përballur me riskun, është në linjën e parë të përballjes. Ka patur risk për vetë policinë, ka patur punonjës policie që janë prekur. Janë disa dhjetëra që janë prekur, një numër poshtë tridhjetës po them. Kemi patur dhe asimptomatikë por e kanë kaluar. Dua të them që kanë përballur këtë sfidë të madhe por nuk kam dëgjuar deri tani qoftë edhe më të voglin pretendim, ankesë, shqetësim, hezitim. Nga 12 mijë veta nuk kemi patur asnjë rast që të ketë patur qoftë edhe një hezitim të vogël për tu angazhuar ndonëse kanë qenë në vijën e parë.”
