Deputeti Saimir Korreshi njëherësh kandidat për deputet në listën e mbyllur në Qarkun e Fierit nga Partia Demokratike është shprehur se, sondazhet kanë treguar se PD është 3.7% më lart se 4 vite më parë.
“Parimi im është nëse nuk i ke dhënë dorën dikujt, mos i kërko dorën. Kemi bërë një fushatë derë më derë në vitin 2021 dhe presim ta bëjë edhe këtë herë. Sondazhet tregojnë se PD-ja është 3.7 përqind më lartë se 4 vite më parë dhe më e bukura ende nuk ka ardhur. Ne jemi pak me vonesë pasi kundërshtari i paguan patronazhistët me lekët e qytetarëve, janë të punësuar në administratë. Megjithatë, demokratët janë aty dhe do të jenë në çdo derë”, tha Korreshi.
Sa i përket Lulzim Bashës, deputeti Korreshi duket se nuk e llogarit pasi nuk e shikon si shqetësim ashtu si 4 vite më parë.
“Nuk i shikoj më si shqetësim, si 4 vjet më parë. Nuk mendoj se do të ketë ndonjë vështirësi të madhe PD-ja në këtë drejtim”, tha ai./ S,M
