Në një cep të largët të Oqeanit Paqësor ndodhet Pika Nemo, vendi më i izoluar në Tokë, aq sa shpesh astronautët në Stacionin Ndërkombëtar Hapësinor janë njerëzit më të afërt me të. Hapësira tokësore më e afërt ndodhet 2,700 kilometra larg, ndërsa stacioni hapësinor është në një distancë maksimale prej 416 kilometrash.
Ky vend është kaq i largët saqë është shfrytëzuar nga agjencitë hapësinore si një “varrezë hapësinore”. Rusia, Europa dhe Japonia kanë hedhur aty fragmente satelitësh, mbetje të stacionit Mir dhe pjesë të tjera të anijeve kozmike. Megjithatë, sipas ekspertëve, këto mbetje nuk përbëjnë ndonjë rrezik të madh për ekosistemin, përveç rasteve të rralla të ndotjes nga karburantet.
Për shkak të izolimit të tij, Pika Nemo ka qenë burim teorish dhe misteresh. Një nga më të famshmet është “Bloop”, një tingull misterioz i regjistruar nga NOAA në vitin 1997. Kjo zhurmë e fuqishme, e pakuptueshme në fillim, nxiti teori se vinte nga një krijesë e panjohur detare. Më vonë, shkencëtarët zbuluan se ishte shkaktuar nga shembja e një ajsbergu.
Gjithsesi, Pika Nemo nuk është e përshtatshme për jetën detare. Për shkak të pozicionit të saj në Paqësorit Jugor, një zonë me rryma të fuqishme që pengojnë hyrjen e ujërave të pasura me lëndë ushqyese, ky rajon është një nga më pak aktivët biologjikisht në planet./ S,M
