Hansi Flick dhe drejtori sportiv Deco thuhet se po kërkojnë të forcojnë skuadrën e Barcelonës me një mbrojtës të ri të djathtë.
Sipas gazetës katalanase Sport, të dy u impresionuan nga performanca e Denzel Dumfries në ndeshjen e parë gjysmëfinale të Ligës së Kampionëve kundër Interit.
Flick beson se një lojtar i ngjashëm me Dumfries, i shpejtë, i fortë dhe sulmues, mund t’i shtojë mundësitë sulmuese të Barcelonës sezonin e ardhshëm.
Pozicioni i mbrojtësit të djathtë është tani prioritet për klubin, megjithëse çdo ndryshim në skuadër do të jetë minimal, shkaku i financave.
Flick dhe Deco bien dakord se skuadra tashmë ka thellësi në shumicën e fushave, kështu që çdo nënshkrim i ri duhet të rrisë cilësinë e përgjithshme. m.p.
