“Ajo ishte e bindur se ne ishim të këqij, se ne ishim djalli dhe se ne e shikonim me sy të keq. Ajo nuk pushonte kurrë së na ofenduari: e bënte këtë çdo ditë me një ton të zemëruar. Kur na shihte, na pështynte.”
Kjo ishte deklarata e një të moshuare italiane, e cila për 10 vite u përndoqën nga një 51-vjeçare shqiptare. Sipas mediave italiane, kjo e fundit është dënuar me dy vite burg dhe me gjobë 7 mijë euro për dëmshpërblimin e viktimës, Giuseppina, një 70-vjeçare nga Cremona.
E moshuara, së bashku me bashkëshortin e saj, i cili ka vdekur që atëherë, jetuan një makth për dhjetë vjet për shkak të fqinjës së saj, e cila që nga viti 2015, me ngacmime, zhurmë dhe fyerje, ua ka kthyer jetën dy bashkëshortëve në një ferr të vërtetë.
“Po më bëni magji të zezë me sodë buke.”- i thoshte shqiptarja se herë e takonte, sipas dëshmisë së të moshuarës.
“Ajo na quajti të neveritshëm, gënjeshtarë, por ne gjithmonë i përgjigjeshim me heshtje. Përveç një herë, kur i thashë se kishte nevojë për trajtim. Ajo bënte gjithë kohës zhurmë në shtëpi, sipër, bërtiste, kur na shihte thoshte ‘zhurmë, zhurmë’, sikur të duhej ta largonte djallin, bënte gjestin me brirë dhe pështyu mbi ne” – ishte dëshmia e italianes.
Familja ishte përpjekur të kërkonte ndihmë , duke iu drejtuar institucioneve, punonjësve socialë, por nuk u bë asgjë.
“Ishte si një rreth vicioz. Babai im, i cili ishte sëmurë në vitin 2022, vdiq në nëntor 2024 dhe për shkak të këtyre qëndrimeve, ai nuk ishte në gjendje të përjetonte ato momente qetësie dhe heshtjeje që ishin të nevojshme për të. Ne u torturuam nga kjo zonjë” – deklaroi vajza e çiftit.
Për shkak të fqinjës së saj, Giuseppina nuk dilte më nga shtëpia përveçse për të bërë pazar dhe për të shkuar në kishë. m.p.
