Deputeti Lefter Maliqi në një prononcim për Fjala.al ka folur për atë që po ndodh te Tetari Kombëtar. Maliqi deklaron se ka qëndruar deri në orën 4 të mëngjesit dhe nuk ishte paraqitur asnjë forcë policore është larguar.
Por, pas 45 minutash e kanë lajmëruar se rreth 2000 forca policore të RENEA-s, FSHN dhe mjetet e policisë së ndërtimit janë paraqitur në ambientet e Teatrit Kombëtar.
“Erdha ne 10 ne dark ishin 200-300 veta dhe mediat pasi kishim dijeni qe ne 11 do shembej ndejat deri ne 4 s’kishte gjë u largova pas 45 min me njoftuan për mbërritjen mbi 2000 forca të policisë të RENEA-s, FSHN të armatosur deri në dhemb dhe mjetet e Policisë ndërtimore.”, është shprehur Maliqi.
Ndërkohë në një postim në Facebook, deputeti Maliqi bën thirrje se populli dhe opozita duhet të ngrihen fuqishëm në revolucion demokratik, për të shpëtuar të ardhmen e vendit.
“Shembja e teatrit kombëtar,nga mbi 2000 forca policore speciale te Reneas dhe ndërhyrjes se shpejt me armatim te rende ne menyre te fshehte e pabese duke dhunuar aktoret e qytetaret e pranishëm. Kjo është fundi i Demokracisë dhe fillimi i Diktaturës. Populli dhe opozita duhet te ngrihen fuqishëm ne revolucion demokratik,o sot o kurrë. Te shpejtojmë demokracinë, Kushtetutën dhe te ardhmen e vendit.”, shkruan deputeti Lefter Maliqi.
