Xhemal Lanica është 26-vjeçari shqiptar që u shpall qytetar nderi në New York, duke u bërë shqiptari më i ri që e merr këtë titull.
Në një intervistë në ABC News, sipërmarrësi shqiptar u shpreh se titulli, është për ndihmën e pakushtëzuar të njerëzve në nevojë.
Ai tregoi se në SHBA ndodhet prej 2018, ndërsa tregoi se ka mbaruar studimet për shkenca politike në Tiranë, ku edhe ka jetuar për disa vite.
“Privilegjet janë të shumta hapen shumë dyer. Frymëzojmë të rinj dhe të reja. Ky rast ka prekur çdo të ri se si një i ri mund të marrë këtë titull”, u shpreh ai.
Ai ndau histori nga familja e tij, duke treguar se gjyshi i tij i ka trashëguar jo vetëm emrin, por edhe veprat, ndërsa kanë pasur një lidhje familjare me kryeministrin e Italisë Aldo Moro.
“Rrugëtimi im në Amerikë ka qenë si çdo emigrant tjetër, për një jetë më të mirë. Duke kërkuar më të mirën për vetën për familjen dhe për të ardhmen. Erdha si çdo bashkëkombas tjetër që të kërkojë fatin e vet. Fati e deshi që të hap edhe organizatën”, tha ai./E.T
