SPAK përfundoi hetimet për dosjen CEZ-DIA, lobimin e ish-LSI në SHBA dhe hetimin pasuror ndaj Ilir Metës dhe Monika Kryemadhit.
Ish-çifti Meta-Kryemadhi që u divorcuan pak kohë më parë janë hetuar për korrupsion, pastrim parash e mosdeklarim e fshehje pasurie.
Analisti Frrok Çupi, në një intervistë tha se SPAK ka bërë një punë për t’u vlerësuar, dhe se “fajtorët e mëdhenj” siç i quan ai tashmë do dalin para gjyqit.
“Erdhi koha që drejtësia të pjekë frutat. Megjithatë padurimin e natyrshëm dhe dëshirat e mëdha popullore për t’i parë fajtorët para gjyqit dhe për të parë se nuk janë të pandëshkueshëm, vjen momenti kur sheh se është një rezultat shumë i madh. Të ndodhesh përpara gjyqit është një gjë shumë e vështirë. SPAK ka kaluar një provë të llahtarshme. Meta dhe Berisha janë hileqarë të llahtarshëm dhe kanë përdorur skllevër për të kryer krime.
CEZ/DIA i bashkon të dy dhe është një humnerë e madhe për paratë e popullit shqiptarë. Edhe lobimi në SHBA është një tjetër çështje e madhe. Edhe Berisha do të hyjë me atë lobimin e tij”, tha analisti
Më tej u shpreh se lobimi dhe CEZ-DIA janë akuza që lidhin Metën me Berishën.
“Këta duan të mbrojnë krime duke bërë politikë. Kjo është një pamëshirë e llahtarshme që duan të përdorin njerëzit. Edhe ata që quhet demokratë janë viktima të Sali Berishës. Janë grabitur…Janë mësuar se vetëm me korrupsion mund të kryhet punë dhe duan të jenë si burra shteti në krye të viktimave”, tha Çupi./kb
