Një turmë e madhe njerëzish të dëshpëruar sulmuan një depo ushqimore në Gazën qendrore të enjten, tha Programi Botëror i Ushqimit i OKB-së, ndërsa situata për popullsinë e Rripit mbetet e tmerrshme.
Dy persona u vranë nga të shtënat me armë zjarri dhe shumë të tjerë u plagosën gjatë incidentit.
Në një deklaratë, Programi Botëror i Ushqimit (WFP) tha se nevojat humanitare në Gaza kishin “dalë jashtë kontrollit” pas bllokadës izraelite që po vazhdonte për gati tre muaj, megjithëse ajo u lehtësua pak javën e kaluar.
Autoritetet izraelite njoftuan të mërkurën se 121 kamionë të OKB-së dhe komunitetit ndërkombëtar, që transportonin ndihma humanitare, përfshirë miell dhe ushqime, u transferuan në Gaza.
Një zyrtar i lartë i OKB-së i tha gazetarëve të mërkurën se turma të dëshpëruara po plaçkitnin ngarkesën nga kamionët e ndihmave të OKB-së.
Izraeli filloi të lejojë një sasi të kufizuar ndihmash në Gaza javën e kaluar. Megjithatë, e dërguara e OKB-së për Lindjen e Mesme, Sigrid Kaag, i tha Këshillit të Sigurimit të OKB-së se kjo ndihmë ishte “si një litar shpëtimi pasi anija u fundos”, pasi të gjithë në Gaza po përballeshin me rrezikun e urisë./e.t
