Ariana Grande dhe Justin Bieber kanë mbrojtur veten nga akuzat e reperit amerikan Tekashi 6iX9ine, i cili i akuzon dy artistët se kanë shpenzuar milionë dollarë për të renditur këngën e tyre më të fundit në krye të klasifikimit muzikor në SHBA.
Tekashi është ankuar publikisht se Ariana dhe Justin kanë klikuar vetë miliona herë dhe kanë blerë mijëra kopje të këngës së tyre më të fundit “Stuck With U”, për ta renditur në krye të klasifikimeve. Ai akuzon gjithashtu se kënga e tij “Gooba” është pozicionuar gabim dhe qëllimisht në vend të tretë, duke i ulur kështu ndjeshëm edhe fitimet e siguruara.
Grande, Bieber por edhe hartuesit e listës së Billboard i kanë mohuar akuzat. Bieber i quajti pretendimet e reperit, thjesht gënjeshtra ndërsa Ariana “e këshilloi” të merret më mirë me veten sesa numëron fansat e të tjerëve.
Billboard postoi online një artikull ku publikoi pikët e secilit këngëtar bazuar në kalkulimet përkatëse dhe pozicionimit të klasifikim.
“Gjithsej, Stuck with U ka marrë 28.1 milionë klikime në Youtube, 26.3 milionë herë është luajtur në radio dhe 108 mijë disqe janë shitur brenda një javë” shpjegohet në reagimin zyrtar.
“Gooba ka 55.3 milionë klikime, është luajtur 172 mijë herë në radio për audiencën dhe është shitur në 24 mijë kopje”./Burimi: BBC
