UEFA e ka skualifikuar klubin e Manchester City nga kompeticioni elitar kontinental dhe trajneri Pep Guardiola e Citizens, do duhen që për dy vjet të mos luajnë në Champions për shkelje të Fair Fair Play. Por nga kjo varen financat dhe e ardhmja e klubit, pasi shumë yje janë shfaqur të pasigurt për qëndrimin, dhe vetëm arbitrazhi mund ta shpëtojë.
Manchester City ka apeluar në Gjykatën e Arbitrazhit Sportiv në Lozanë, këtë çështje të shumëdiskutuar, në të njëjtin vend ku Shqipëria fitoi 3 pikë “në tavolinë” për dhunën kafshërore të Beogradit në një ndeshje futbolli, e ku Skënderbeu pësoi goditjen më të rëndë për trukime, në historinë e futbollit shqiptar.
Ankesa e Manchester City kundër përjashtimit dy vjeçar nga kupat europiane, i vendosur në 14 shkurt do të diskutohet para komisionerëve të CAS nga 8 deri në 10 qershor(fjala.al). Klubi anglez është skualifikuar nga UEFA për shkelje të Fair Fair Play dhe ka të ngjarë të përjashtohet nga Champions League sezonin e ardhshëm. Nuk është e qartë nëse seanca do të mbahet në gjykatë apo përmes lidhjes video [për shkak të coronavirus.
Nuk është caktuar një orar për aktgjykimin e mundshëm, i cili megjithatë duhet të formalizohet para se skuadrat angleze të futen në short, për sezonin e ardhshëm të Ligës së Kampionëve.
