Në Shtetet e Bashkuara janë duke vijuar fluturimet ndërkombëtare edhe pse ato janë cilësuar si shkaktare të shpërthimit të koronavirusit në SHBA.
Një media amerikane, CBS2 kërkoi përgjigje për pyetjen se çfarë po bëjnë zyrtarët publik për të parandaluar një valë të dytë.
Fotografitë nga Dogana e SHBA-ve dhe Mbrojtja e Kufirit tregojnë se oficerët me maska dhe doreza ekzaminojnë udhëtarët ndërkombëtarë në mesin e muajit mars.
Të dhënat e publikuara në faqen ‘flightaware.com’, tregojnë se dy javët e fundit janë kryer shumë fluturime ndërkombëtare nga Kina, Koreja e Jugut dhe pjesa më e madhe e Evropës, përfshirë dy vendet më të prekura Mbretëritë e Bashkuara dhe Italia.
Guvernatori i New York-ut, Andrew Cuomo ka fajësuar rregullisht virusin që vinte nga udhëtimet ajrore.
“Tre milion vizitorë evropianë zbritën në aeroportin JFK ose Newark, kështu që ky është një mësim tjetër të cilin nuk duhet ta përsërisim” tha Cuomo kohët e fundit.
Të martën, e njëjta media amerikane, CBS2 kërkoi përgjigje nga guvernatori duke e pyetur se cili është ai mësim?
“Çfarë po bëhet tani për të kontrolluar ata udhëtarë që vijnë nga zonat më të goditura nga koronavirusi? Çfarë procesi po ndiqet?”, pyeti CBS2.
“Kjo është qeveri federale, në kufi kemi kontrollin doganor”, u përgjigj guvernatori Cuomo.
“Por, a ka ndonjë koordinim?”, vazhdoi më tej gazetarja e CBS2.
“Ekziston një koordinim, ata e përcaktojnë se kush duhet të vijë dhe kush jo”, u përgjigj Cuomo.
Dogana e Shteteve të Bashkuara dhe Mbrojtja e Kufirit nuk pranuan një kërkesë për intervistë me kamera. Por të dyja agjencitë thanë se ekziston një “kontroll i zgjeruar hyrës”, duke shtuar se pasagjerët pyeten në lidhje me historinë mjekësore, gjendjen aktuale dhe u matet temperatura./Burimi: Newyork.cbsloca/ Përshtati për Fjala.al R.G
