Luan Rama tregon se idhulli i tij është Qemal Stafa. Dëshmori dhe heroi i Popullit për të cilin dita e vrasjes së tij është dita kombëtare e dëshmorëve është pikërisht personazhi që e ka udhëhequr në jetën e tij. Në emisionin “HARD TALK NGA ROALND QAFOKU” Rama dha arsyet e idhullit të tij.
-Vendosët më 5 maj një tufë me lule në bustin e Qemal Stafës. Përse ju frymëzon ai?
-Qemal Stafa është një idhull i imi. Qemal Stafa ishte dhe është përfaqësuesi më emblematik i rinisë shqiptare i viteve ’30, përfaqësuesi më idealist, por dhe një djalë jashtëzakonisht i kulturuar. Nga kjo pikëpamje ai është një referencë, është një shembull, i asaj plejade, i atij brezi, dhe më lejo ta them me shumë bindje, që ata, komunistë ose jo, janë një brez i shkëlqyer idealistësh që nuk do t’i vijë më Shqipërisë.
