Skuadra e Tiranës do t’i rikthehet ditën e nesërme stërvitjes për fazën e dytë të sezonit 2019-2020.
Ky lajm është bërë publik nga faqja zyrtare e bardhebluve përmes një postimi në “Facebook”, ku theksohet fakti se kryeqytetasit do të nisen për në Turqi ku do zhvillohet faza përgatitore e dimrit.
Në këtë stërvitje Tirana rikthehet pas pushimeve të festave të fundvitit, ku lojtarët kanë qëndruar për disa ditë larg fushës së blertë.
Në njoftim thuhet se bardheblutë do të udhëtojnë drejt Antalias ditën e djelë, ku përveç stërvitjes intensive do të zhvillojnë edhe tre takime miqësore.
Skuadra e Superligës shqiptare do të luajë me Alaniaspor në datën 8, Mezokovezdi në datën 11 dhe Koroan Kielçe më 15 janar.
Kujtojmë që në krye të Tiranës pak ditë më parë u konfirmua Emanuele Egbo, i cili në tre ndeshjet e fundit kishte qenë trajner provizor./Përgatiti: Fjala.al/
