Agjentja e Mauro Icardit thotë se ka zbuluar një tjetër aspekt se si mund të jetë më aktive, e ndoshta edhe në dobi për të ardhmen e futbollistit, këtë herë duke i hyrë një biznesi të ri, fitnesit përmes ‘Instagramit’.
Wanda Nara, bashkëshortja e Mauro Icardit, duket se e ka të qartë strategjinë për të arkëtuar më shumë si ‘biznes-woman’, sikurse për të fuqizuar imazhin e Icardit në fushën e marketingut, shkruan The Sun.
Wanda vijon ndërkohë punën edhe si modele dhe prezantuese televizive, duke u shndërruar në një nga emrat në ngjitje të televizionit italian. Por tani ajo është gati ti ofrojë 6.5 milionë ndjekësve të saj në Instagram akoma më shumë, duke zgjeruar profilin e saj.
https://www.instagram.com/p/CAnEcFvhXA5/?utm_source=ig_embed
Duke postuar fotot në rrjet, Wanda i thotë ndjekësve se do të shihen së shpejti ‘live’ me këshillat e saj për të mbajtur trupin në formë, edhe pse modelja njihet për fizikun dhe format e saj të kolme.
Këtë verë ndër të tjera, Wanda duket se do të jetë e zënë edhe për lëvizjen e radhës së Mauro Icardit./Fjala.al
