Shqiptarja Eltiona Skana, e cila akuzohet se ka vrarë një vajzë 7-vjeçare në Britani do të dalë sot përpara gjykatës.
30-vjeçarja ka dalë para gjyqit përmes një videoje nga një spital psikiatrik i sigurisë së lartë raporton BBC. Ajo goditi me thikë 7-vjeçaren, Emily Jones para të atit të saj ndërkohë që ajo po luante në Queen’s Park, Bolton më 22 mars të 2020 në Ditën e Nënave.
Sipas mediave britanike bëhet me dije se vogëlushja i kaloi pranë, në një stol ku 30-vjeçarja shqiptare po qëndronte, e në këtë moment ndodhi sulmi që rezultoi fatal për Jones dhe mjekët nuk mundën ta shpëtonin.
Shqiptarja u arrestua në vendin e ngjarjes, ndërsa vajza ndërroi jetë pak më vonë. Sulmi mësohet se ishte i paprovokuar dhe babai i vajzës së vogël ishte dëshmitar i ngjarjes së rëndë. 30-vjeçarja po mbahet në paraburgim ndërkohë që ka rezultuar se ka probleme me shëndetin mendor, ndërsa gjyqi vijon ende.k.t/Fjala.al/
